Сказка-опера идёт на татарском языке.

Үзсүзле кызчык — Королева Яңа ел өстәлендә умырзая чәчәкләре булуын тели. Кәрҗин тутырып умырзаялар китергән кешегә шул кадәр үк алтын вәгъдә итеп фәрман — указ да чыгара. Явыз Үги ана белән үз кызы, байлыкка кызыгып, Үги кызны урманга — умырзаялар эзләргә җибәрәләр.

Салкыннан өшегән Үги кыз учак янында җылынып утырган унике туган — айларны очрата, үз хәлен сөйли. Апрель ае, Үги кызга ярдәм йөзеннән, туганнарыннан бер сәгать вакыт алданрак бирүләрен үтенә.

Бәхетле Үги кыз кәрҗин тутырып умырзая чәчәкләренә һәм Апрельнең тылсымлы балдагына ия була. Тик Үги ана белән кызы балдакны урлап, чәчәкләр күтәреп сарайга чабалар, үзләренә зур бүләк таләп итәләр. Королеваның умырзая чәчәкләрен үзенең җыясы килә, барысы да урманга юл тоталар. Тылсымлы балдак сере ачыла — ел фасыллары алышына башлый. Соңыннан гаделлек өстенлек ала: Үги ана белән кызын Январь ае этләргә әверелдерә. Королева куркып кача. Үги кыз белән Апрель бәхетләрен табалар.

Продолжительность: 50 минут.